తుమ్మలకు కృతజ్ఞతలు తెలిపిన తిలక్
ఖమ్మం బ్యూరో మార్చి 13 (మన జ్యోతి) తాను అడిగిన వెంటనే రాష్ట్ర మంత్రివర్యులు తుమ్మల నాగేశ్వరరావు
ఖమ్మం నియోజకవర్గం 36 డివిజన్ లో హెల్త్ సెంటర్ ఏర్పాటుకు నిధులు మంజూరు చేయించడం పట్ల ఖమ్మం నియోజకవర్గం కాంగ్రెస్ పార్టీ A బ్లాక్ అద్యక్షుడు,
వైరా నియోజకవర్గ ఇన్చార్జి, ఖమ్మం నగరపాలక సంస్థ మాజీ కార్పొరేటర్ ఎర్రం బాలగంగాధర్ తిలక్ హర్షం వ్యక్తం చేశారు. స్థానిక ట్రంకు రోడ్డు లోని అర్బన్ MRO ఆఫీస్ ప్రక్కన DEO ఆఫీస్ నందు ఖమ్మం అర్బన్ ప్రైమరీ హెల్త్ సెంటర్ నిర్మాణానికి మంత్రివర్యులు తుమ్మల నాగేశ్వరరావు బుధవారం మధ్యాహ్నం శంకుస్థాపన చేశారని హర్ష వ్యక్తం చేశారు. 15వ పంచవర్ష ప్రణాళిక నుంచి కోటి 43 లక్ష రూపాయలు అర్బన్ ప్రైమరీ హెల్త్ సెంటర్ నిర్మాణానికి మంజూరు చేశారని తిలక్ తెలిపారు.
ఖమ్మం నగరం త్రీ టౌన్ ఏరియాలోని నిరుపేద, మధ్యతరగతి ప్రజలు అర్బన్ హెల్త్ సెంటర్ నందు వైద్య సేవలు పొందచ్చని ఆయన తెలిపారు. ఇక నుంచి దూర ప్రాంతానికి వైద్య సేవ కోసం ప్రజలు వెళ్లవలసిన అవసరం లేకుండా కాంగ్రెస్ సర్కార్ మన ప్రాంతంలోనే అర్బన్ హెల్త్ సెంటర్ ను నిర్మిస్తుందని తెలిపారు.
