ఐక్యమత్యంతోనే రాజ్యాధికారం… ఐక్యమత్యమే మన బలం , మన బలగం…….
మాజీ ఎమ్మెల్సీ బాలసాని లక్ష్మీనారాయణ
ఖమ్మం నగరంలోని మమతా రోడ్డులో లకారం ట్యాంక్ బండ్ వద్ద ఇటీవల నూతనంగా ప్రారంభమైన జాతీయ బీసీ సంక్షేమ సంఘం ఖమ్మం జిల్లా కార్యాలయంలో ఆదివారం జాతీయ బీసీ సంక్షేమ సంఘం ఖమ్మం జిల్లా అధ్యక్షులు నారాయణవరపు శ్రీనివాస్ ఆధ్వర్యంలో జరిగిన సమావేశంలో ముఖ్యఅతిథిగా పాల్గొన్న మాజీ ఎమ్మెల్సీ బాలసాని లక్ష్మీనారాయణ పాల్గొని మాట్లాడుతూ ఐక్యమత్యంతో మన బలాన్ని చాటుకుంటే , రాజకీయ పార్టీలు వాటంతటవే పిలిచి మరీ టిక్కెట్లుస్తాయని ఐక్యత లేకపోవడమే మన బలహీనతగా మారిందని ఐక్యత పెంచే విధంగా ప్రతి ఒక్కరు కృషి చేయాలని అన్నారు . ఇలాంటి సమావేశాలు ఎన్నో పెట్టి శ్రీనివాస్ నాయకత్వంలో జిల్లాలో బీసీ సంఘం ఇంకా బలపడాలని కోరారు . త్వరలోనే ఉమ్మడి ఖమ్మం జిల్లాలోని ఉన్న బీసీ ముఖ్య నాయకులతో సమావేశాన్ని ఏర్పాటు చేయాలని అనంతరం పెద్ద ఎత్తున ఖమ్మం కేంద్రంగా బహిరంగ సభను నిర్వహించాలని సూచించారు . దీనికోసం బీసీ బిడ్డగా నా సంపూర్ణ మద్దతు ఉంటుందని ఆయన తెలిపారు . మరో ముఖ్య అతిథి డిసిసిబి చైర్మన్ కూరాకుల నాగభూషణం మాట్లాడుతూ చట్టసభల్లో బీసీలకు రిజర్వేషన్ కోసం పోరాడుతున్న ఈ సంఘాలు ఇంకా బలంగా ముందుకు పోవాలని అప్పుడే బీసీలకు న్యాయమైన వాట దక్కుతుందని అన్నారు . టిడిపి పార్టీ రాష్ట్ర నాయకులు పాల్వంచ రామారావు మాట్లాడుతూ బీసీ జేఏసీ ఏర్పాటు చేసి ఎన్నో సంవత్సరాలుగా బీసీల ఐక్యత కోసం కృషి చేస్తున్నామని భవిష్యత్తులో ఇలాంటి కార్యక్రమాలు ఎన్నో నిర్వహిస్తామని బీసీల అందరిని కలుపుకుని పోతామని అన్నారు . మరోఅతిథి పోలీస్ వెంకన్న మాట్లాడుతూ తమ వంతు సహాయంగా ఎల్లవేళలా బీసీల కోసం పనిచేయడానికి సిద్ధంగా ఉన్నామని వ్యాఖ్యానించారు . జిల్లా అధ్యక్షులు నారాయణ వరపు శ్రీనివాస్ మాట్లాడుతూ ఈ సంఘ కార్యాలయం నిరంతరం అందుబాటులో ఉంటుందని , పార్టీలకతీతంగా కొనసాగుతుందని చెప్పారు . రాష్ట్ర ప్రధాన కార్యదర్శి మోడేపల్లి కృష్ణమాచారి మాట్లాడుతూ అందర్నీ కలుపుకొని పోతూ ముందుకు వెళ్తామని అన్నారు . ఈ కార్యక్రమంలో జిల్లా వర్కింగ్ ప్రెసిడెంట్ లింగనబోయిన పుల్లారావు , జిల్లా కార్యదర్శి గూడిద రామకృష్ణ , జిల్లా మహిళా విభాగం అధ్యక్షురాలు శ్రీమతి సుగుణ , యువజన విభాగం జిల్లాఉపాధ్యక్షులు భరత్ కార్యదర్శి రేపాకుల రామకృష్ణ , సత్తుపల్లి నియోజకవర్గ అధ్యక్షులు దుస్సా వెంకటేశ్వర్లు , సత్తుపల్లి మండల అధ్యక్షులు పామర్తి నాగేశ్వరరావు , బీసీ జేఏసీ అధ్యక్షుడు రమేష్ , ఉమ్మడి ఖమ్మం జిల్లా అధ్యక్షుడు రామ్మూర్తి తదితరులు పాల్గొన్నారు .