చీమలపాడు బాధితులకు అండగా మంత్రి పువ్వాడ అజయ్

చీమలపాడు ఘటనలో మృతి చెందిన వారి కుటుంబానికి రూ.10 లక్షల చెక్కును పంపిణీ చేసిన మంత్రి పువ్వాడ.

▪️బాధిత కుటుంబాలను పరామర్శించి ఓదార్చిన మంత్రి పువ్వాడ.

పొలిటికల్ పవర్ న్యూస్ 9 ఖమ్మం ఏప్రిల్ 25 జిల్లా ప్రతినిధి వెంపటి నాయుడు

▪️నలుగురు మృతులకు రూ.40 లక్షలు, ఐదుగురు తీవ్రంగా గాయపడ్డవారిని రూ.10 లక్షలు పంపిణీ.

▪️జిల్లా కలెక్టరేట్ నందు ఆయా చెక్కులను అందజేసిన మంత్రి, ఎంపీ, ఎమ్మెల్సీ, ఎమ్మెల్యే..

ఖమ్మం జిల్లా కారేపల్లి మండలం చీమలపాడు గ్రామంలో జరిగిన గ్యాస్ సిలిండర్ పేలుడు ఘటనలో మృతి చెందిన వారికి రాష్ట్ర ప్రభుత్వం ప్రకటించిన ఎక్స్ గ్రేషియ ను బాధిత కుటుంబాలకు ఒక్కొక్కరికి రూ. 10 లక్షలు, గాయపడ్డ వారికి ఒక్కొక్కరికి రూ.2.50 లక్షల విలువైన చెక్కులను స్వయంగా అందజేసిన రాష్ట్ర రవాణా శాఖ మంత్రి పువ్వాడ అజయ్ కుమార్ గారు, ఎమ్మెల్యే రాములు నాయక్ గారు, ఎంపీ నామా నాగేశ్వరరావు గారు, ఎమ్మెల్సీ తాతా మధు గారు, జిల్లా కలెక్టర్ VP గౌతమ్ గారు..

మంగళవారం జిల్లా కలెక్టరేట్ నందు బాధిత కుటుంబాలను మంత్రి పువ్వాడ అజయ్ కుమార్ గారు పరామర్శించి ఓదార్చారు. ఈ ఘటన చోటుచేసుకోవడం పట్ల విచారం వ్యక్తం చేశారు.

ఘటనలో నలుగురు మృతి చెందగా ఐదుగురు తీవ్రంగా గాయపడ్డారని వారి కుటుంబాలను ప్రభుత్వం అన్ని విధాలుగా ఆదుకుంటుందని పేర్కొన్నారు.

ఇలాంటి సంఘటన జరగడం చాలా బాధాకరమని, ప్రమాదం 12వ తేదీన జరిగిందని కేవలం 2వారాల్లోనే బాధిత కుటుంబాన్ని ఆదుకోవాలని సంకల్పించి ప్రభుత్వం స్పందించి నష్టపరిహారంను అందజేస్తామని వివరించారు.

ప్రమాదం జరిగిన నాటి నుండి ప్రభుత్వం నిత్యం వారిపై దృష్టి సారించిందని, వారి కుటుంబానికి న్యాయం చేయాలనే ఉద్దేశంతో నేడు ప్రకటించిన పరిహారం అందిస్తున్నామని పేర్కొన్నారు.

ప్రమాదంలో గాయపడిన రోజు వారికి చికిత్స కోసం ముఖ్యమంత్రి కేసీఆర్ గారు, మంత్రి కేటిఆర్ గారు, నిత్యం పర్యవేక్షిస్తూ వారి కుటుంబానికి తోడుగా ఉన్నారని అన్నారు.

ఈ దుర్ఘటనలో బాధితులకు నష్ట పరిహారంతో పాటు మృతుల కుటుంబాలకు డబుల్ బెడ్ రూం ఇళ్లను ఇవ్వనున్నట్లు హామీ ఇస్తున్నామని, ఇప్పటికే జిల్లా కలెక్టర్ కు అందుకు తగు ఆదేశాలు ఇవ్వడం జరిగిందన్నారు.

అంగవైకల్యం అయిన వారికి ఆర్టిఫీషియల్ లింబ్స్ ఇచ్చి, వారి కుటుంబ జీవనోపాధి కోసం తప్పక చర్యలు తీసుకుంటామని అన్నారు . దీనితో పాటు వారి పిల్లలకు వారు కోరుకున్న చోట రెసిడెన్షియల్ పాఠశాల, కళాశాలలో ఉచిత విద్యను అందిస్తామని కలెక్టర్ కు ఆదేశాలు ఇచ్చామన్నారు.

ఘటనలో మృతి చెందిన వారి కుటుంబాలకు బానోత్ జ్యోతి w/o రమేష్, దర్మసోత్ సరోజ, w/o లక్ష్మణ, అజ్మీరా లలిత w/o మంగు, సందీప్ ల కుటుంబాలకు రూ.10 లక్షలు అందజేశారు. తీవ్రంగా గాయపడ్డ వారిలో నారాటి వెంకన్న, తెజవత్ భాస్కర్, అంగొత్ కుమార్, దేవా నవీన్, కనగాల శ్రీనివాస్ ల కుటుంబాలకు రూ.2.50లక్షల మొత్తం రూ.52.50 లక్షల విలువైన చెక్కులను మంత్రి పువ్వాడ అందజేశారు.